සිහින දනව්ව

තවත් එක් යෞවනයෙක්ගේ සටහන

අනුෂා

with 10 comments

අනුෂා අපේ දහයේ වසරේ පන්ති නායිකාවයි.ටිකක් කලු උස මහත කෙල්ලෙක්.මට මතක හැටියට අනූෂාට කිතුල් රැනක් වගේ දිගට වැවුණ කොන්ඩයක් තිබුනා.එච්චරම කොල්ලොත් එක්ක ෆිට් එකක් නොතිබුනත් අනුෂා පන්තිය ඕනැම දෙකට කොල්ලොත් එක්ක හිටියා.හවසට කලු ලැල්ල කලු කරන්න කොල්ලෝ නතර වුණාම අනුෂා තමා හොස්ටල් එකෙන් තේ අරන් එන්නේ.ඉල ඇදෙන මල පනින විහිලු මොකක් කලත් අනුෂා ඒව එච්චර සිරියස් ගත්ත නැති කෙල්ලෙක්,අනුෂා නතර වෙලා හිටියේ ඉස්කෝලේ හොස්ටල් එකේ.හැබැයි අපි ඔක්කොම දැනන් හිටියා අනුෂා හුගක් දුෂ්කර පලාතකින් දුප්පත් පවුලක් ලමයෙක් කියලා.හෝදා හෝදා පට්ට ගැහිලා තිබුන සුදු ගවුමත් ලෙලි ගිහිල්ලා තිබුන සපත්තු දෙකත් දැක්කාම ඕන කෙනෙකුට ඒ බව හිතා ගන්න පුලුවන්.

මත මතක හැටියට දහය වසරේ දෙවන වාරය ආරම්භ වෙලා දවසකට දෙකකට පස්සේ දවසක් පන්ති භාර මිස් අනුෂාට එයාගේ කාමරයට කතා කලා.කාමරයෙන් එලියට එද්දී අනුෂා අවේ අඩ අඩා.ඊට  පස්සේ ඉස්කොලේදී අපි අයෙත් අනුෂාව දැක්කේ නැ.
දවසක් රෙද්දේ හැට්ටේ ඇද ගත්ත අම්ම කෙනෙක් ඇවිත් අනුෂාගේ අස්වීම් සහතිකේ අරන් ගියා.පස්සෙ අනුෂාගේ හොස්ටල් එකේ යාලුවාගෙන් තමා ඇත්ත විස්තරේ හෙලි වුනේ.එදා මිස් කතා කරන දවස වෙනකොට අනුෂා බඩ දරු අම්මා කෙනෙක්.අනුෂා බඩ දරු වෙලා තියෙන්නේ එයාට වඩා අවුරුද්දක් වැඩිමල් ගමේ කොල්ලෙකුට.පස්සේ අනුෂායි කොල්ලයි කසාද බැදලා ඒ කියන්නේ අනුෂාට පහලොවක් දහසයක් වෙන කාලේදී

ආයිත් මට අනුෂාව හම්බ වුනේ මීට දවස් කීපයකට කලින්.ඒ ටවුමේ ලමයි දෙන්නෙක් එක්ක කලන්තේ දාල වැටිලා ඉන්දෙද්දී.පුංචි කුරුලු පැටව් දෙන්නෙක් වගේ ලමයි අනුෂා ගාව දැවටි දැවටි ඉන්නවා.දැක්කාම ආදරේ බෑ.මමයි අම්මයි වතුර ටිකක් පොවලා පියවි සිහිය ආවම තමා අනුෂා මාව අදුරගෙන කතා කලේ.අනුෂා කියන විදියට අනුෂායි එයාගේ සැමියායි සැහෙන්න සතුටින් ජීවත් වෙලා තියෙනවා.අන්තිමට අනුෂාගේ සැමියා මේසන් බාස් කෙනෙක් වගේ රස්සවාක් කරගෙන පොඩි ගෙයකුත් හදා ගෙන පවුලත් එක්ක සතුටින් ජීවත් වෙලා තියෙනවා.

ඔය සතුටට කණ කොකා හැඩලුවේ පොලිසිය ඇවිත් අනුෂාගේ සැමියා අරන් ගියාට පසුවයි.අනුෂාගේ සැමියාගේ වැරද්ද තමා අනුෂාව අපයෝජනය ලක් කිරීම, නීතිය අනුව අඩු වයස් තරුණියක් විවාහ කර ගැනීම වරදක් අන්න ඒ වරදට ඊට අවුරුදු පහකට හයකට පස්සේ ලස්සන පුංචි කුරුළු කූඩුවක් විනාශ වුණා.අනුෂාගේ සැමියා අවුරුදු ගාණකට හිරේ ගියා .අනුෂාට සහ ඇගේ දරුවන්ට යන එන මං නැති වුණා.

අනුෂාව නීතී ආධාර කොමිසමට යොමු කලා ඊට අමතරව ගාමන්ට් එකක අදුරන කෙනෙකුට කියලා පොඩි රස්සාවකුත් හොයා දෙන්න බැරි කමක් නැ.හැබැයි අර ලමයින්ට යන කල දසාව ගැන කියන්න බෑ.නීතිය ඇත්තටම අන්ධයි ,වෙලාවකට හිතෙනවා නීතිය තියෙන්න මිනිස්සුන්ව ආරක්ෂා කරන්න නෙමේ මිනිස්සුන්ට තවත් ගිනි ගෙඩි දෙන්න කියලා.

Advertisements

10 Responses

Subscribe to comments with RSS.

  1. උම්ඹ හොද වැඩක් කරලා තියෙන්නේ මචන්ග්

    කියවන්නෙක්

    2011 මාර්තු 9 at ප.ව. 3:13

  2. Today also you have put stupid post.Bullshit post

    LookUp

    2011 මාර්තු 9 at ප.ව. 3:20

  3. මනුෂයෝ වුණාම අපි එක්කෙනාට උදව් කර ගන්න ඕනේ කාන්තා දිනය පසු වෙලා වැඩි කාලයක් නෑ.බලන්න ඒ කෙල්ලට වෙච්ච අපරාදේ ? කාන්තා දිනය සමරන්න වියදම් කරන සල්ලිවලින් මේ වගේ මිනිස්සුන්ට උදව් කරන්න ඕනේ

    මනුසතා

    2011 මාර්තු 9 at ප.ව. 3:24

  4. නීතියයි මනුස්සකමයි දෙක එකට ගැටිච්ච තවත් අවස්ථාවක්.

    නවම්

    2011 මාර්තු 9 at ප.ව. 4:48

  5. නීතිය හැම විටම සාධාරණත්වය හා යුක්තිය ඉටු කරන්නෙ නැතැයි පෙන්වන පැහැදිලි කතාවක්.

    arunishapiro

    2011 මාර්තු 10 at පෙ.ව. 4:05

  6. @කියවන්නෙක්
    @LookUp
    @මනුසතා
    @නවම්
    arunishapiro

    බොහොම ස්තුතියි කොමෙන්ටුවට

  7. ල0කාවේ නිතිය තුල සාදාරනය සෙවීම බොරු වෑඩක්

    asanka

    2011 මාර්තු 10 at පෙ.ව. 11:35

  8. අනේ මන්ද බං පිස්සු කොර පොස්ට් එකක්. ඌව හිරේට ගත්තට කමක් නැහැ දාලා ගියානම් එත් බලහන්.අනේ මන්ද බං.


ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: